3 tot 8 maande 

5 Babatjies per klas

​

8 tot 12 maande

5 Babatjies per klas

👶 Ons Babaklas
Ons skep ’n huislike, vrolike en liefdevolle omgewing waar babatjies veilig kan groei. In hierdie klas is higiëne ’n prioriteit, en ons help elke baba om ’n gesonde roetine van eet, drink en slaap te ontwikkel.

​

🌱 Groei en mylpale
Ons fokus op elke baba se ontwikkelingsmylpale en pas aktiwiteite daarvolgens aan. Sensoriese en tasstimulasie word geïntegreer deur blootstelling aan verskillende teksture, wat hulle ruimtelike bewustheid en kinestesie versterk.

​

👀 Koördinasie en spel
Met eenvoudige hulpmiddels soos helium-balloontjies en borrels bevorder ons oog-hand-koördinasie en balans. Bilaterale integrasie en midlynkruising word aangemoedig deur speletjies soos rol, bal-oefeninge en eenvoudige hand- en voetaktiwiteite.

​

🌍 Ruimtelike oriëntasie
Ons babatjies ontdek die wêreld deur te kruip, klim, seil en swaai. Hierdie aktiwiteite bevorder balans en ruimtelike oriëntasie, terwyl ons hulle ook op komberse trek en lekker laat lag.

​

🎶 Taal en musiek
Ons lees boekies, benoem eenvoudige voorwerpe en sing liedjies om taalontwikkeling te stimuleer. Met eenvoudige musiekinstrumente ontdek hulle die vreugde van klank en ritme.

​

🖐️ Fynmotoriese vaardighede
Ons oefen fynspier-koördinasie deur blokkies te pak, voorwerpe in en uit houers te plaas, papier te frommel en skeur, en later balle te rol en gooi.

​

💆 Babamasering
Tydens doekruiltyd doen ons babamasering met ferm, diep drukking. Ons benoem liggaamsdele om liggaamsbewustheid te bevorder en gee elke baba ’n gevoel van geborgenheid.

Bokkies & Skapies

1 tot 2 Jaar

10 Peuters per klas

🧸 Ons Peutergroep

In die peuterklas skep ons ’n huislike, liefdevolle en vrolike omgewing waar elke maatjie die kans kry om optimaal te ontwikkel.

​

🌱 Fokus van die groep

Ons hooffokus is die ontwikkeling van:

• Sosiale vaardighede – leer saam speel en deel

• Motoriese vaardighede – groot en fyn bewegings

• Taalontwikkeling – nuwe woorde, klanke en kommunikasie

​

⏳ Groei op eie tempo

Elke peuter kry die geleentheid om sy of haar ontwikkelingsmylpale op eie tyd te bereik. Ons help hulle om ’n daaglikse roetine te volg wat veiligheid en stabiliteit bring.

​

🚽 ’n Belangrike mylpaal

Wanneer die tyd reg is, ondersteun ons personeel ook die proses van “potty-training”. Dit is ’n baie spesiale en betekenisvolle stap in elke peuter se ontwikkeling, en ons hanteer dit met geduld en liefde.